نشره اخبار الخامسه والعشرين

ايها السيدات و السيدات ..اللى طول الوقت زعلانين ع اللى فات
اسعد الله مسائكم جميعا و نشرة اهرام الخامسة و العشرون يقدمها لكم ميدو مان ابو حفيظة من ستاد الشرق الاوسط الدولى و تحديدا من عند دكة الاحتياطى .. قاعد جنبى اهوه الحكم بتاع مباراة اسرائيل وحماس... و انا طبعا قاعد بشجع حماس.... بشجعهم بكل حماس.. شجعوا معانا

نحن نرى الاخبار من وجهة نظرنا الرياضية ثم ننقلها اليكم (فى عربية نص نقل )
و الى تفاصيل الاخبار

1- وفاة اللاعب احمد حسام نيدو متأثرا بأزمة كلبية حيث اصيب اللاعب بكرشة نفس كما اصيب بكبدة نفس و ذلك بعد هزيمة الز مالك و مالى فى ماتشه مع نزائل الجيش حيث تدرع الفريق العسكرى الاخر بالسلاح و على رأس الاسلحة البازوكا و البنادق المضادة للدبابات و الرشاشات التى ملئت المعركة بالمياه حت تحول الملعب الى حمام سباحة و بدلا من اقامة المباراة فى كرة القدم اقيمت المسابقة فى السباحة بين اللاعبين و فاز اللاعب/ احمد حسام نيدو لأنه لسة بيشرب لبن نيدو و لكنه سرعان ما غلبته الازمة الكلبية فمات متأثرا بها

2- و من اخبارنا الرياضية ايضا
فوز فريق (مان سنتر يونايتيد) -الذى يعرف حاليا باسم فريق (ميدو مان سنتر يونايتد)- بالدورى الانجليزى كالعادة حيث حصل الفريق على الدرجة النهائية فى امتحان مادة الانجليزى الذرى اقيم مؤخرا فى مدرسة كونج فول الخاصة الحكومية و ذلك حيث اقيم بعد الامتحان ماتش كونج فول بين اللاعبين اللى عمرهم ما عرفوا يعنى ايه فول و اللعيبة بصراحة مكنتش قدرة تمسك نفسها من الضحك على شعار الدورى الفولى حيث كان الشعار عبارة عن سيف طويل يكسر طبق فول
و لما سألنا سيف: انتا عملت كدة ليه
قال : لأن المدرب حلف عليا و قاللى و الله لانتا شايط الطبق و كاسره

3- تعادل فريق ماتش لونة مع فريق باى باى يا ميونخ فى نهائى كاس قارة قاسية و فوز فريق قاسى ميلان بنهائى كاس قاسية و تغير لقبه من قاسى ميلان الى قاسى 3 اميال بعد فوزه بالكأس

4- تصاعدت مصر الى نهائيات كاس العالم 2010 و ذلك بعد فوزها على البرازيل فى الماتش الاخير ب هدفين مقابل لا شئ
الهدف الاول : الوصول اصلا الى كاس العالم السنة الجاية
الهدف التانى : السفر الى جنوب افريقيا بجواز سفر سليم (دة ابن اخو هشام سليم)

5- اصابة جميع لاعبى فريق الاهلى و فريق الاسماعيلى و فريق الاتحاد السكندرى بفيروس انفلونزا الخنازير امس علما بأن فريق الزمالك و فريق انبى (لا انتا انبى و لا انا اعرفك) و فريق طلائع الجيش و فريق حرس الحدود اصيبوا اول امس جميعا و باقى الفرق اصيبت من اسبوع بالمرض .. موضوع بسيط و بيتعالج متخافوش ..تخافواااااا و لا متخفووووووش
كما اصيب الفريق المشير اللواء العميد العقيد المقدم الراقد (الراكض) بالفيروس و هو يركض على البيض فى اول حلقة من برنامجنا نشرة اخبار ال 25 الموسم الاول

الى هنا سيداتى سيداتى ...اللى مش بيحبوا غير الهضبة و محمد حماتى تنتهى نشرة الاخبار الرياضية و نصل الى قسم جديد تم ادخاله مؤخرا فى نشرتنا
حدث فى مثل هذا النوم
1- فى مثل هذا النوم السابع و الثلاثين من اغسطس عام 1953 خرج جحا من داره و ركب حماره متجها الى السوق و اشترى شوية حاجات و رجع نام تانى فى البيت بس للأسف حماره مات فى السكة فلقد حقق جحاالمثل الشعبى المعروف (اللى يخرج من داره يرجع من غير حماره)
2- فى مثل هذا النوم الخامس من شهر فبراير عام 1996 استشهد الشهيد ميكى ماوس عن عمر يناهز عمر الحريرى .. 190 سنة ميلادية
3- فى مثل هذا النوم الواحد و العشرين من شهر ايلول اللى بيقيل شوية بعد الغداء من عام 2036 خرجت رشيدة معزة بكار تتنزه فى الشانزليزيه و ذلك بعد ان سافرت بالفعل فى عام 2035 الى باريس
4- فى مثل هذا النوم الاول من شوال عام 2009 قام مصطفى ابن عم عبدو البواب بشراء شوال ارز يخزنه فى بيتهم عشان العيد و بينما كانت جميع المحلات قافلة عشان العيد اضطر مصطفى للشراء من محل فى مدينة مصر كان بعيد شوية عليه بس راح بالمترو

نوجه عناية السادة القراء المشاهدين عن ان كل التواريخ اللى فاتت دى مختلفة اصلا و ليست نفس اليوم ليتم ادراجها ضمن
اخبار النشرة و لقد وادهت بذلك مشاكل من الرقابة بس على مين؟؟؟
الى هنا سيداتى سيداتى تنتهى نشرة اخبار ال 25 و نصل كالعادة الى سؤال الحلقة ..السؤال اليوم
اللى معاه قرش محيره......
1-يصرفه
2- يحدفه
3- يكتفه

لو عرفت الاجابة تبقى كداب..لأن مفيش قرش اصلا
اقعدوا بالعافية
ممممممواه