موسوعه الغتتاته المصريه.....

موسوعه الغتتاته المصريه.....

<blockquote class="postcontent restore "> الصراحه مكنتش هحطها عشان في ناس بتتضايق من الغتاته دي
بس عجبني لاني لقيت ان في ابداااااع
وابتكاااااار ف الرخامه
يتخصص بيها الشعب المصري فقط
( وياريت يا جماعه محدش يضايق )
ويارب بيبقى عندنا الابداع والابتكار ده ف حاجات تانيه مش في الغتاته بس

موسوعة الرخامة موسوعه الغتتاته المصريه..... Biggrin

ايه الحيوان اللي بياكل و يشرب بديله؟؟
كل الحيوانات بتاكل وتشرب بديلها،عمرك شفت حيوان ساب ديله وراح ياكل؟

طب ليه التلاجة غبية؟ عشان بتحفظ الاكل .. مابتفهمو

ايه الشبه بين الجورنال والشمس ؟؟ الاتنين بيطلعوا الصبح

ايه الشبه بين التفاح والكمثرى ؟؟ الاتنين مش جوافة

واحد وقع من الدور التاسع لقى ايه؟؟ لقى مصرعه

ليه الارنب مابيعديش من قدام القهوة ؟؟ بيخاف من السحلب المكار

دكتور اسنان ارتكب جريمة... يسجنوه فين ؟؟ في سجنال 2

ليه نابليون كان بيقعد قدام التلاجة ؟؟ عشان يطمن علي حملة فريزر

إيه وجه الشبه بين الحلاق وجورباتشوف ؟؟ الإتنين بيتعاملوا مع الروس

إيه وجه الشبه بين القمر وصينية البطاطس؟؟ الإتنين مابيتعملوش عصير مانجو

ليه الأرجنتين مش بيزرعوا تين ؟؟ لأنها دولة لا....تينية

واحد حدف زلطة على بيت ازاز بس البيت ماحصلوش حاجة... ليه ؟؟ عشان الزلطة ماجتش فيه

طب كتكوت بيعدي الشارع و فجأة مات... ليه ؟؟ الزلطة جت فيه موسوعه الغتتاته المصريه..... Biggrin

حاجه طايره فى السما وبتقول نياو نياو... ايه هى؟؟ قطه بيضاء مضروبه بالشلوت

طب حاجه سوده طايره فى السما وبتقول نياو نياو... ايه هى ؟؟ غراب بيستهبل موسوعه الغتتاته المصريه..... Biggrin

طب حاجه بنى طايراه فى السما وما بتقولش حاجه... ايه هى ؟؟ فرده جزمة الراجل الى ضرب القطه البيضاء موسوعه الغتتاته المصريه..... Biggrin

طب حاجه سوده طايره فى السما وما بتقولش حاجه... ايه هى ؟؟ غراب عاقل وما بيحبش يستهبل

حاجه زرقاء طايره فى السما... ايه هى ؟؟ ذبابه لابسه بنطلون جينز

حاجه سوده وفيها خط احمر وطايره فى السما من الشرق للغرب... ايه هى ؟؟ ذبابه لابسه فستان سواريه وحاطه روج ورايحه فرح واحده صاحبتها

حاجه سوده وفيها خط احمر وطايره فى السما من الغرب للشرق... ايه هى ؟؟ نفس الذبابه نسيت حاجه فى البيت رجعت تجيبها موسوعه الغتتاته المصريه..... Biggrin

حاجه سوده ماشيه فى الصحراء... ايه هى ؟؟ سرب نمل رايح يعزى

نقطه سوده على الحيطه... ايه هى ؟؟ دبانة

ونقطتين سود على الحيطه... تبقى ايه ؟؟ فيشه

طب 3 نقط سود على الحيطه... تبقى ايه ؟؟ دبانة وفيشه

طب 73 نقطه سوده على الحيطه... تبقى ايه ؟؟ يبقى بياض البيت بيقشر

حاجه رفيعه وطويله ولونها ابيض... ايه هى ؟؟ فتله بيضاء

حاجه رفيعه وطويله ولونها اسود ايه هى ؟؟ خيال الفتله البيضاء

ازاى نصطاد الفيل الاحمر ؟؟ بالبندقية اللي بتصطاد الفيل الاحمر

طب ازاى نصطاد الفيل الاخضر ؟؟ نستنى لما يستوى ونصطاده ببندقية الفيل الاحمر

وازاى نصطاد الفيل الازرق ؟؟ نكسفه وشه يحمر ونصطاده ببندقية الفيل الاحمر

طب وازاى نصطاد الفيل الاصفر ؟؟ مافيش اى فيل اصفر

دكتور اتجوز محامية خلفوا ولد... يسموه ايه ؟؟ يسموه أحمد على اسم جده

ايه الفرق بين القلة والزير ؟؟ فيه فوا زير بس مافيش فوا قلة

ايه عكس كونكريت ؟؟ لاتكون كريت

ازاي نحط فيل في الثلاجة على ثلاث مراحل ؟؟ نفتح الثلاجة - ندخل الفيل في الثلاجة - نقفل الثلاجة

طب ازاي نحط زرافة في ثلاجة على اربع مراحل ؟؟ نفتح الثلاجة - نخرج الفيل - ندخل الزرافة - نقفل الثلاجة

احترقت حديقة الحيوانات فاحترقت جميع الحيوانات ماعدا الزرافة... لماذا ؟؟ لأننا وضعنا الزرافة بالثلاجة

ايه اكتر حيوان مبيعرفش يستخبى ؟؟ الثعبان بان بان بان بان بان

طيب ايه اكتر حيوان بيسمع اغاني اجنبي ؟؟ الغراب راب راب راب راب راب

طيب ايه اكتر حيوان بيسيح في الحر ؟؟ التمساح ساح ساح ساح

ليه مصر مش محتاجة بطاطين ؟؟ علشان شركة اتصالات غطت مصر كلها </blockquote>

دانت غتت

تلميذك ههههههههه

اخجلتم تواضعنا انت اغتت هههههههه