بسم الله الرحمن الرحيم حكم أدعية الإمتحانات المتداولة هذه الايام
رانيا : إدعيلي، عندي إمتحانات وخايفة معديش السنة دي
...
...نهي : ربنا معاكي.. اقولك انا عرفت شوية أدعية علشان الإمتحانات... جامدين جدًا
رانيا : أدعية إيه دي؟!
نهي : بصي قبل الامتحان، اقولي الدعاء ده "اللهم إني أسألك فهم النبيين وحفظ المرسلين والملائكة المقربين ان تجعل لساني عامرًا بذكرك وقلبي خاشعًا بخشيتك وسري بطاعتك فأنت حسبي ونعم الوكيل" ولما تيجي تجاوبي في الإمتحان قولي "اللهم...
رانيا : لأ خلاص خلاص ماتكمليش... اللي بتقوليه ده مش صح خالص
نهي : إيه اللي مش صح دي أدعية بتستعيني بربنا بها؟!!!
رانيا : أقولك.. أولا الادعية دي مش ليها اصل في السُنة النبوية.. وما يصحش ننسبها للنبي عليه الصلاة والسلام
نهي : طيب كويس إنك عرفتيني إنها مش أحاديث واردة عن الرسول عليه الصلاة والسلام... بس إيه المشكلة في إن أقول الأدعية دي على أساس إنها إجتهاد مني، من غير ماننسبها للرسول؟!!
رانيا : بصي، الكلام اللي في الادعية حلو جدًا.. والكلام ده مش غلط، بالعكس تمامًا... ده دعاء فيه تضرع لله وكده ، بس عارفة المشكلة في إيه؟ إنك بتخصصي دعاء معين في وقت معين.. فرغم إن الأدعية دي بتبقى مفيدة إلا إنها تعتبر بدعة.. فلا يجوز إختراع أدعية وتثبيتها ونسبتها للشرع أو تختاري أدعية بعينها في وقت معين بالذات تدعي بيها
نهي : طيب ماهو فيه أدعية بتتقال في وقت معين زي أدعية بعد الوضوء وأدعية بعد الصلاة وكده
رانيا : أيوة دي أدعية الرسول كان بيقولها ودي سنة مؤكده عنه .. لكن الأدعية بتاعت الامتحانات مكانتش في السنة ولا في وقت الصحابة ولا السلف الصالح
نهي : مين هما السلف الصالح انا عارفه الصحابة بس
رانيا : السلف الصالح اللي عاشروا الصحابة ومشافوش النبي صلي الله عليه وسلم
نهي : طيب تمام... بس معنى كده لما أجي أذاكر أو أدخل الإمتحان مدعيش لربنا؟!!
رانيا : إزاي ده كلام...!! تدعي طبعًا لربنا في أي وقت... وقولي كل الكلام اللي نفسك فيه علشان ربنا ييسرلك أمورك.. بس أهم شيء إنك ماتخليش لكل حالة بتمري بيها دعاء تواظبي عليه عشان كده يدخل في إطار البدع
وربنا يوفقك الي مافيه الخير
بعض الفتاوي بهذا الخصوص
[ندعوك للتسجيل في المنتدى أو التعريف بنفسك لمعاينة هذا الرابط]
موضوع: حكم أدعية الإمتحانات المتداولة هذه الايام 
