س وليلى فى كلية الطب 2009
حوار بين قيس وليلى عام2009
المكان:- فى خيمة
المنظر:- ليلى جالسة على الأرض وتنقى الأرز
(يدخل قيس)
ليلى:- (لقيس) قيس إبن عمى عندنا...يا مرحبا يا مرحبا
قيس:- كم جئت ليلى بأسباب ملفقة...ما كان أكثر أسبابى وعلاتى
ليلى:- (لقيس) ما تتكلم عربى يا مان
قيس:- حلاوتك بالعجوه...أبوكى فين يابت؟
ليلى:- في السايبر
قيس:- يعنى أنتى لوحدك يا لولا؟ خلاص تعالى اعزمك على سينما
ليلى:- وا كارثتاه سينما يا قيس وعندنا امتحانات عملى
قيس:- أنا لا أفكر فى هذه الأمور الأن يا لولا..وبعدين احمدى ربنا انى عزمتك...
ليلى:- ليه ياروح بنت عمك....ما اشبهش البنات اللى انت ماشى معاهم
قيس:- مش العباره بس.....
ليلى:- (تقاطعه)وحياه أبويه يا قيس لو ما انعدلت معايا لأكون موّلعه ف خيمتك بصفيحة بنزين
قيس:- إهدئى يا ليلى( ويخرج من جيبه سيجارة )
ليلى:- (فى دهشة) مسائه نابت يا دكتور أنت بتشرب سجاير يا قيس؟!!
قيس:- عادى يا ليلى ساعات بتنفعنى بضرب بيها ساعات سكشن الاناتومى
ليلى:- طيب نفض لنفسك يا قيس علشان انا رايحه كمان شويه درس فسيولوجى
قيس:- اشطــــه جداا يا ليلى وانا كمان عندى درس اناتومى ..موبيلات بئه
ليلى:- (وهيا غاضبه) قيس يالا غور قبل ما أبويا يجى
قيس:- ( لليلى) طرقعيلوووو يا لولا وكبرى دماغك بقولك ايه هاتى الجمجمه بتاعتك سلف
ليلى:- ثوااانى يا قيس اخش اجيبها من التلاجه
الأب:- (يدخل الخيمة ويفاجأ بوجود قيس) قيس!!...هنا مع ليلى...وامصيبتاه...فلتمطرى صابون سايل أيتها السماء....(لقيس) إنت بتعمل إيه هنا ياله؟ !!!!!!!!!!!
قيس:- أنا كنت جايلك يا عمى عشان تيجى تصلح لنا السيفون....دانت شغلك زباله..الواحد بعد كده يبقى يجيب سباك نضيف
الأب:- (فى إنفعال) أين ليلى...ليلى...ليلى
ليلى:- (تدخل وفى يدها الجمجمه) أبى ...ماالذى أتى بك مبكراً...إنت مش قولت هتقد ساعتين؟
الأب؟- النت فصل...إيه اللى ف إيدك ده؟!!
ليلى:- دى الجمجمه يا ابتاااه هسلفها لقيس يذاكر عليها نيورو
الأب:- (فى ذهول) ياللعار!!...وهو مش قادر يشترى واحده..وبعدين قيس ده فاشل ..ذاكرى انتى يابت ونفضيلوو
ليلى:-(وهيا تتقرب من اذن ابيها) ماتخافشي يابا دى جمجمة قرد هيذاكر عليها هيسقط فى الاسبوتنج ....الجمجمه بتاعتى جوه هو انا عبيطه اديلو الجمجمه واقعد انا كده
الأب:- ( فى راحة نفسية) أة ..إذا كان كده معلش
ليلى:- ( تعطى الجمجمه لقيس) خد يا قيس ذاكر وعيش حياتك وادعيلى
قيس:- (يأخد الجمجمه)ليلى...بعدد السكاشن التى بضربها..وبعدد المحاضرات التى بنفضلها وبعدد السجاير التى قمت بشربها ...أشكرك بضمير
الأب:- بقولك أيه ياقيس .... إنت مش ناوى تتجوز ليلى قبل ما تخلل عندى هنا
قيس:- وانت ترضهالى برضه يا أونكل؟
الأب:- خسئت يا قيس..علشان تسلفيلوو جمجمتك ااووى يا هبله
قيس:- انت طول عمرك جلده يا اونكل ..على العموم هخلص امتحان العملى وهرجعها وهقطع علاقتى بيكو
الأب:- (لقيس) إمشى ياد إطلع بره
قيس:- اشطــه يمان ...موبيلاااااااات ي لوولا
الأب:- أغرب عن وجهى
قيس يركب الجمل ويتجه به الى المنيل...
موضوع: حوار بين قيس وليلى عام2009 
